मेरी प्रात: स्मरणीय आमाको देहावसान् भएको ४५औँ दिनको पुण्य तिथीमा, दिवंगत आत्माको चीरशान्तीको कामना गर्दै उहाँ प्रति समर्पित यो गजल:

मेरी प्रात: स्मरणीय आमाको देहावसान् भएको ४५औँ दिनको पुण्य तिथीमा,

दिवंगत आत्माको चीरशान्तीको कामना गर्दै उहाँ प्रति समर्पित यो गजल:

सम्झिन्छु तिमीलाई, अनि रुन्छु आमा, 

रोएरै आफ्नो मनको ब्यथा धुन्छु आमा 

जोगिए कुसङ्गत र कुलत बाट भन्थ्यौ

सम्झिन्छु ती बात अनि बेहोस हुन्छु आमा

समय बलवान थियो, रहेछ आज पनि

बिउँझन्छु रातमा तिम्रो आवाज सुन्छु आमा

बिझाउँदा मेरो पाउ, दुख्ने त्यो मन थियो

स्वर्ग र तिमि दिए तिम्लाई चुन्छु आमा

घर, अफिस, बाटो भरि, हृदयको पाटो भरि

तिम्रै यादले नानाथरि ताना बुन्छु आमा

मायाको सृस्टि तिम्रै, बनाउँछु हराभरा

मुस्कुराउ तिमि एक दिन, आकाश छुन्छु आमा ।